Agjencia zyrtare e lajmeve ‘Irna’ e Iranit raportoi sot se 1230 persona janë vrarë që nga fillimi i fushatës së bombardimeve amerikane dhe izraelite kundër Iranit të shtunën.
AFP-ja franceze nuk ishte në gjendje të verifikonte numrin e saktë të viktimave për momentin.
Numërimi i mëparshëm, i transmetuar dje, të mërkurën, tha se 1045 persona, civilë dhe ushtarë, ishin vrarë.
“Numri i martirëve të sulmit ushtarak arriti në 1230 më 5 mars”, raportoi Irna, duke cituar një deklaratë nga Fondacioni i Martirëve dhe Veteranëve.
Më herët, edhe Gjysmëhëna e Kuqe kishte informuar për numër të lartë viktimash që nga e shtuna, dita kur nisi lufta mes SHBA-Izrael dhe Iranit.
Mes viktimave ishte edhe lideri suprem i Iranit, Ajatollah Khamenei, disa familjarë të tij dhe zinxhiri komandues i ushtrisë dhe Gardës Revolucionare.
