Ministria e Inteligjencës Iraniane njoftoi se ka arrestuar një shtetas të huaj, i cili dyshohet se po kryente aktivitet spiunazhi në emër të SHBA-ve dhe Izraelit. Sipas mediave shtetërore iraniane, personi i ndaluar akuzohet për mbledhje të informacioneve të ndjeshme dhe koordinim të aktiviteteve të inteligjencës brenda territorit iranian, ndërsa dyshohet gjithashtu se vepronte si ndërmjetës për dy vende të Gjirit.
Autoritetet iraniane deklaruan se gjatë ditëve të fundit janë arrestuar edhe 30 persona të tjerë, të cilët i cilësuan si spiunë dhe agjentë operativë të lidhur me SHBA-në dhe Izraelin.
Ministria e Inteligjencës theksoi se operacionet kundër rrjeteve të spiunazhit do të vazhdojnë, pa dhënë detaje të mëtejshme për identitetin apo origjinën e të arrestuarve.
