Një grua 38-vjeçare është vënë nën akuzë për përfshirje në vjedhjen e ndodhur muajin e kaluar në Muzeun e Luvrit në Paris, raportojnë mediat franceze. Ajo akuzohet për bashkëpunim në vjedhje të organizuar dhe komplot kriminal, ndërsa këtë të shtunë është paraqitur para gjykatës, e cila do të vendosë për masën e sigurisë.
E dyshuara, e paidentifikuar, u arrestua këtë javë së bashku me katër persona të tjerë. Ndërkohë, dy burra të arrestuar më herët janë tashmë nën akuzë për të njëjtat vepra, pasi kanë pranuar pjesërisht përfshirjen e tyre në grabitje.
Nga muzeu më i vizituar në botë u vodhën bizhuteri me vlerë rreth 88 milionë euro (102 milionë dollarë) më 19 tetor, në një ngjarje që dyshohet se është organizuar nga një grup i strukturuar.
