Bota 20 Shtator 2025, 16:35 Nga VNA

Forcohet ekstremi djathtë në Gjermani, AfD kalon CDU/CSU

Ndaje në Whatsapp
Forcohet ekstremi djathtë në Gjermani, AfD kalon CDU/CSU

Një sondazh i ri i publikuar nga INSA për gazetën gjermane BILD ka sjellë një tronditje në skenën politike gjermane. Për herë të parë, partia e djathtë ekstreme AfD ka kaluar në vend të parë, duke lënë pas koalicionin konservator CDU/CSU (Unionin).

Sipas rezultateve, AfD renditet me 26% të mbështetjes, një rritje me një pikë nga java e kaluar, duke shënuar nivelin më të lartë historik në sondazhet e INSA. Ndërkohë, Unioni bie në 25%, duke humbur vendin e parë që tradicionalisht mbahej nga CDU/CSU ose SPD.

Partia Socialdemokrate (SPD) rritet lehtë në 15%, ndërsa Të Gjelbrit pësojnë një rënie të fortë, duke zbritur në vetëm 11% – një barazim i papritur me Partinë e Majtë, e cila mban po aq përqindje.

Sondazhi tregon gjithashtu se qeveria aktuale nuk do të kishte shumicë nëse zgjedhjet do të mbaheshin sot. Një koalicion i mundshëm Union-SPD do të arrinte vetëm 40%, ndërsa një kombinim me Të Gjelbrit vetëm 37%, të dyja larg shumicës së nevojshme. Në të kundërt, një bashkim i Unionit me AfD do të siguronte 51% të votave, me AfD si partner dominues.

Ndërkohë, popullariteti i kreut të Unionit, Friedrich Merz, ka rënë ndjeshëm: vetëm një në katër gjermanë shprehen të kënaqur me drejtimin e tij, ndërsa dy të tretat shfaqin pakënaqësi.

Rezultatet e fundit sinjalizojnë një ndryshim të madh në balancën e forcave politike në Gjermani, duke konfirmuar rritjen e ndjeshme të AfD dhe rënien e mëtejshme të Të Gjelbërve.

Video

? Rusia tregon muskujt bërthamorë Vetëm një ditë pasi SHBA njoftoi shtyrjen e një samiti të dytë mes presidentëve Trump dhe Putin, Kremlini organizon një stërvitje madhore ushtarake që përfshin raketa bërthamore ndërkontinentale, nëndetëse dhe bombardues strategjikë Tu-95. Videoja e publikuar tregon Putinin duke marrë raport nga Gjenerali Valery Gerasimov për një seri manovrash që simulojnë autorizimin për përdorimin e armëve bërthamore. ?? Një raketë Yars u lëshua nga Plesetsk, ndërsa një tjetër u testua nga një nëndetëse në Detin Barents. ?️ Në të njëjtën kohë, avionët Tu-95 qëlluan raketa lundrimi me rreze të gjatë veprimi. ? Qëllimi? Testimi i aftësive të komandës dhe sinjalizimi i fuqisë strategjike ruse. ? Ndërkohë, NATO zhvillon ushtrimet e veta bërthamore. Tensionet vazhdojnë të rriten në sfondin e luftës në Ukrainë, ndërsa diplomacia duket se po ngadalësohet.

Një incident i rëndë ndodhi të mërkurën para Parlamentit në Beograd, ku u raportuan të shtëna me armë zjarri dhe shpërthim zjarri në kampin e tendave pro-qeveritare. Sipas mediave serbe, një person mbeti i plagosur, ndërsa autoritetet ende nuk kanë dhënë një version zyrtar mbi ngjarjen. Deputetë të opozitës pretendojnë se dikush qëlloi me armë dhe më pas i vuri flakën tendave. Policia ndërhyri menjëherë dhe po heton incidentin.

Mbreti Charles III përshëndet kryeministrin në detyrë të Kosovës, Albin Kurti, gjatë Samitit të Ballkanit Perëndimor.

Flet punonjësi i karburantit afër lokalit ku u vranë dy të rinjtë për një kafe në Manëz.

Doni të informoheni të parët për lajme ekskluzive?

Bashkohuni me grupin tonë privat.

opinion

Opinionet e shprehura i përkasin autorëve dhe nuk përfaqësojnë qendrimin e redaksisë.

Histori të harruara

Më shumë lajme