Agjentët e FBI-së kanë bastisur mëngjesin e së premtes banesën e ish-këshilltarit të Sigurisë Kombëtare të Presidentit Donald Trump, John Bolton, në Bethesda, Maryland, si pjesë e një hetimi federal për trajtimin e dokumenteve të klasifikuara.
Bastisja u zhvillua rreth orës 07:00 dhe ishte e autorizuar nga gjykata, ndërsa drejtimi i operacionit u krye nga drejtori i FBI-së, Kash Patel. Burimet zyrtare bëjnë me dije se Bolton nuk u arrestua dhe nuk janë ngritur akuza ndaj tij, ndërsa agjentët kontrolluan shtëpinë për të identifikuar dokumente të dyshuara se janë trajtuar në mënyrë të papërshtatshme.
Hetimi kishte nisur disa vite më parë, por sipas një zyrtari të lartë amerikan, ishte pezulluar më parë nga administrata Biden për “arsye politike”. Gjatë bastisjes, llogaria zyrtare e Bolton në X publikoi një mesazh ku kritikonte qëndrimin e Donald Trump ndaj luftës në Ukrainë, por nuk dihet nëse postimi lidhet me aksionin e FBI-së.
