Bashkëshortja e presidentit turk, Recep Tayyip Erdogan, Emine Erdogan, i ka dërguar një letër Zonjës së Parë të SHBA-së, Melania Trump, ku e fton të tregojë të njëjtën ndjeshmëri për krizën humanitare në Gaza, ashtu siç ka bërë për fëmijët në Ukrainë.
Në letër, Emine Erdogan kujton takimin e tyre në Shtëpinë e Bardhë gjashtë vite më parë dhe vlerëson letrën e Melanias drejtuar presidentit rus Vladimir Putin për fëmijët ukrainas, duke e cilësuar si një nismë që sjell shpresë.
Ajo thekson se edhe fëmijët palestinezë meritojnë gëzim, liri dhe të ardhme dinjitoze, duke i kërkuar Melania Trump që të dërgojë një letër kryeministrit izraelit, Benjamin Netanyahu, për t’i bërë thirrje t’i jepet fund krizës në Gaza.
