Një ekip i transmetuesit publik italian RAI është ndalur dhe kërcënuar nga agjentë të Immigration and Customs Enforcement (ICE) në Minneapolis, SHBA, teksa po realizonte një reportazh në terren.
Gazetarët e emisionit In Mezz’ora, Laura Cappon dhe Daniele Babbo, po filmonin zhvillimet e fundit në qytet, kur automjeti i tyre u bllokua nga automjete të ICE-së. Sipas pamjeve të publikuara, agjentët iu drejtuan atyre me ton agresiv, duke u kërkuar të ulën xhamin e makinës. Kur gazetarët refuzuan dhe identifikuan veten si pjesë e medias, një agjent u tha se “do ta thyejnë xhamin dhe do t’i nxjerrin jashtë makinës nëse vazhdojnë të filmojnë”.
Ngjarja ka shkaktuar shqetësim në komunitetin ndërkombëtar të medias, duke ngritur pyetje mbi sigurinë e gazetarëve dhe respektimin e lirisë së shtypit. RAI ka konfirmuar se po ndjek me vëmendje çështjen dhe po kërkon sqarime zyrtare nga autoritetet amerikane.
