Kryeministrja daneze Mette Frederiksen paralajmëroi se çdo sulm ushtarak i SHBA-së ndaj një aleati të NATO-s, përfshirë Groenlandën, do të shkatërronte aleancën dhe sigurinë ndërkombëtare pas Luftës së Dytë Botërore. Deklaratat e saj erdhën pasi presidenti amerikan Donald Trump përsëriti interesin për të “marrë Groenlandën”, duke nxitur frikën e një pushtimi të ishullit, që është pjesë e Mbretërisë Daneze dhe ka vetëqeverisje të lartë.
Kryeministri i Groenlandës, Jens-Frederik Nielsen, i bëri thirrje Trumpit të heqë dorë nga “fantazitë e aneksimit” dhe theksoi se çdo dialog duhet të bëhet përmes kanaleve zyrtare dhe në përputhje me ligjin ndërkombëtar. Frederiksen shtoi se qeveria daneze po bën gjithçka për të parandaluar një sulm dhe akuzoi SHBA-në për presion të papranueshëm, duke theksuar se Groenlanda nuk dëshiron të bëhet pjesë e Amerikës. Bashkimi Europian mbështeti qëndrimin e Danimarkës, duke garantuar mbrojtjen e integritetit territorial dhe sovranitetit të saj
