Trenat Eurostar për në Londër dhe Paris që kalojnë përmes Tunelit të Kanalit të “La Manshit” janë bllokuar, pasi një ndërprerje e energjisë elektrike dhe një problem teknik në një nga trenat "Le Shuttle" kanë ndërprerë operimin normal. Kjo ka shkaktuar anulime dhe vonesa të konsiderueshme në një nga korridoret hekurudhore ndërkombëtare më të ngarkuara të Evropës.
Kompania Eurostar njoftoi se shërbimet pritet të rifillojnë pas orës 16:00 të ditës së sotme, 30 dhjetor. Pasagjerëve iu bë thirrje të shtyjnë udhëtimet për një datë tjetër dhe të shmangin udhëtimin drejt stacioneve pa një biletë të konfirmuar për sot.
Trenat Eurostar lidhin Londrën me Parisin, Brukselin, Amsterdamin dhe destinacione turistike si Disneyland Paris, duke ofruar lidhje kryesore midis Mbretërisë së Bashkuar dhe pjesës tjetër të Evropës. Ndërprerja ndodhi pikërisht në kulmin e sezonit të udhëtimit dimëror, duke shkaktuar shqetësime për mijëra pasagjerë.
Autoritetet dhe kompania po monitorojnë situatën dhe po punojnë për rifillimin e normal të shërbimeve, me synimin për të minimizuar vonesat dhe shqetësimet për udhëtarët.
