Media spanjolle ABC.es raporton se një bandë e huaj grabitësish kreu dy sulme të dhunshme ndaj argjendarive në rajonin e Madridit gjatë natës së fundjavës.
Katër persona të maskuar përdorën mjete të forta për të thyer hyrjet metalike dhe për të depërtuar brenda dy dyqaneve, fillimisht në Fuente el Saz del Jarama dhe më pas në Coslada, ku arritën të grabisnin ar, argjend e bizhuteri përpara se të largoheshin me shpejtësi.
Në një video të publikuar nga banorët, e cila po qarkullon tashmë në rrjetet sociale, dëgjohen zëra të grabitësve që flasin shqip mes tyre, duke shtuar dyshimet se banda mund të jetë me origjinë shqiptare. Megjithëse autoritetet spanjolle ende nuk kanë konfirmuar zyrtarisht identitetin apo kombësinë e tyre.
