Është e zakonshme që personat e arrestuar për vepra penale të natyrës financiare apo “white collar” të lirohen pas një periudhe të shkurtër ndalimi, ndaj nuk është surprizë që Andrew Mountbatten-Windsor është rikthyer në rezidencën e Sandringham.
Megjithatë, sipas deklaratës më të fundit të Thames Valley Police, ai mbetet nën hetim policor. Lirimi “nën hetim” do të thotë se ai nuk është në kushtet e garancisë (bail) dhe për rrjedhojë nuk i nënshtrohet kushteve të caktuara kufizuese.
Ai mund të ri-arrestohet ose të thirret sërish për t’u marrë në pyetje në çdo moment.
Tashmë gjithçka varet nga vlerësimi i përbashkët i policisë dhe i Crown Prosecution Service për të përcaktuar nëse ka prova të mjaftueshme për ta akuzuar zyrtarisht për një vepër penale. Në këtë rast, bëhet fjalë për dyshime për “shpërdorim të detyrës publike”.
Nuk ekziston një afat kohor i përcaktuar brenda të cilit duhet të ngrihen akuza, dhe një çështje e kësaj përmase mund të kërkojë kohë për t’u përfunduar.
