Pas raportimeve në mediat çeke se disa të burgosur të akuzuar për komplot për vrasjen e ish-presidentit venezuelian Nicolás Maduro janë liruar, është mësuar edhe identiteti i njërit prej tyre, i cili është shtetas shqiptar.
Ambasada shqiptare në Brazil ka konfirmuar se bëhet fjalë për një shtetas shqiptar me inicialet J.N., i cili pas lirimit ndodhet aktualisht pranë Kryqit të Kuq në Venezuelë, në pritje të marrjes së autorizimit për t’u kthyer në Shqipëri.
Sipas njoftimit zyrtar, përfaqësia diplomatike shqiptare është në kontakt të vazhdueshëm me autoritetet përkatëse dhe po ndjek procedurat për lejen e udhëtimit të shtetasit shqiptar drejt vendit.
Ambasada ka bërë të ditur gjithashtu se është në komunikim me familjarët e J.N., të cilët kanë arritur të flasin telefonikisht me të pas lirimit të tij.
