Kompania gjermane Adidas ka njoftuar se në fanellat e skuadrave për Kupën e Botës do të rikthehet logoja ikonike trefletëshe, për herë të parë që nga viti 1990.
Logoja klasike me tre gjethe ishte simboli i Adidas në shumë nga fanellat më të famshme të futbollit në vitet ’80 dhe në Kupën e Botës 1990 në Itali. Më pas ajo u zëvendësua nga logoja me tre vijat e pjerrëta që përdoret sot.
Rikthimi i logos trefletëshe lidhet me trendin e dizajneve retro në futboll. Adidas ka prezantuar fanellat e reja të dyta për rreth 25 kombëtare, shumë prej të cilave janë frymëzuar nga estetika e viteve ’90.
Mes tyre janë dizajne shumëngjyrëshe për Japoninë, motive që kujtojnë lulet e qershisë për Kilin dhe kombinime rozë e blu për Belgjikën.
Për shumë tifozë, rikthimi i logos trefletëshe është një homazh nostalgjik ndaj stilit vizual të Kupës së Botës 1990 dhe një rikthim i një prej simboleve më ikonike në historinë e fanellave të futbollit.
