Të paktën 9 persona kanë humbur jetën në qytetin Beit Shemesh, në atë që konsiderohet bilanci më i lartë i viktimave që nga nisja e sulmeve izraelite ndaj Iranit të shtunën.
Beit Shemesh ndodhet mes Jerusalemit perëndimor dhe Yafës dhe është një zonë në rritje, ku raketat iraniane goditën kryesisht banesa të ndërtuara vite më parë. Sipas raportimeve, edhe një nga strehimet në zonë është prekur nga goditjet.
Ekipet e shpëtimit vijojnë punën për të nxjerrë persona të bllokuar nën rrënoja, ndërsa ekziston frika se numri i viktimave mund të rritet. Banorët shprehen të shqetësuar edhe për faktin se sirenat e alarmit nuk janë aktivizuar në kohë në Beit Shemesh, duke ngritur pikëpyetje serioze mbi sistemin e paralajmërimit.
Ngjarja nënvizon rrezikun e lartë që Izraeli po merr me përshkallëzimin e konfliktit me Iranin. Raketa iraniane vijojnë të godasin qytete izraelite, ndërsa sistemi mbrojtës izraelit përballet me sfidën e interceptimit të tyre, me pasoja të rënda kur raketat arrijnë objektivin, siç ndodhi në Beit Shemesh dhe më herët në Tel Aviv.
Situata mbetet e tensionuar, me frikën se përplasja mes dy vendeve mund të thellojë më tej bilancin tragjik të viktimave civile.
