Neymar Jr ka marrë ftesë nga Kombëtarja e Brazilit, për Kupën e Botës. Trajneri i Brazilit, Carlo Ancelotti, raportohet se ka vendosur një sërë rregullash disiplinore për sulmuesin e Neymar Jr., i cili aktualisht aktivizohet te Santos.
Sipas mediave ndërkombëtare, vendimi i Ancelottit synon të vendosë ekuilibër të fortë brenda skuadrës dhe të menaxhojë rikthimin e Neymarit në nivelin më të lartë të futbollit konkurrues.
Rregulli i parë, sipas raportimeve, është se Neymarit nuk do t’i garantohet automatikisht vendi i titullarit dhe as shiriti i kapitenit, duke theksuar se formacioni do të varet tërësisht nga forma dhe performanca.
Një tjetër pikë e rëndësishme lidhet me përdorimin e rrjeteve sociale dhe angazhimin mediatik, ku trajneri italian kërkon që sulmuesi brazilian të reduktojë ndjeshëm aktivitetin jashtë fushës.
Rregulli i tretë lidhet me disiplinën jashtë fushës, ku Ancelotti kërkon që Neymar të kufizojë disa nga liritë e tij personale gjatë grumbullimeve dhe turneve zyrtare, për të ruajtur fokusin maksimal sportiv.
Ky qëndrim vjen në një periudhë ku Neymar është përballur shpesh me dëmtime serioze gjatë viteve të fundit, përfshirë probleme të përsëritura fizike që kanë ndikuar në vazhdimësinë e tij në nivel klubesh dhe kombëtareje.
