Trajneri i Kombëtares, Sylvinho, ka folur sot për situatën që krijoi Armando Broja pas ndeshjes me Andorrën. Sulmuesi u duk i mërzitur kur u zëvendësua dhe duhej të merrej me zor nga Hysaj për të festuar me shokët për kualifikimin në playoff-et e Kupës së Botës.
“Po, fola me të. Fola edhe me grupin. E kemi zgjidhur, nuk ka probleme. Ishte pak i zhgënjyer, por tani kjo ka kaluar,” tha Sylvinho në konferencën për mediat para ndeshjes me Anglinë. Trajneri shtoi se nuk e kupton plotësisht pse Broja u mërzita kaq shumë, por gjithçka është qetësuar dhe ekipi është i fokusuar për sfidën e radhës.
Sa i përket Anglisë, Sylvinho paralajmëron: “Janë komplet nivel tjetër. Mos e ngatërroni me ekipin tonë. Është një ndeshje shumë e vështirë. Tuchel është një trajner i madh dhe ata kanë lojtarë të mëdhenj. Nuk kanë pësuar asnjë gol në kualifikuese.”
Shqipëria dhe Anglia do të përballen këtë të diel në orën 18:00 në Tiranë, dhe për trajnerin brazilian, fokusi është i qartë: skuadra e tij duhet të jetë e bashkuar dhe e përqendruar, pa lënë vend për tensione të vogla pas ndeshjeve.
