Shqipëria do të përballet me Letoninë të martën në stadiumin “Air Albania”, në kuadër të kualifikueseve për Botërorin 2026. Gjatë kësaj sfide, drejtësinë do ta ndajë arbitri polak Damian Silveshtak, ndërsa ndihmës të tij do të jenë Pavel Sokolniçki dhe Adam Karasheviç. Ekipi i trajnerit Sylvinhos renditet aktualisht në vendin e katërt me katër pikë në grupin K të kualifikueseve të Botërorit.Kuqezinjtë janë të “dënuar” të fitojnë, në takimin që do mbahet në vendin tonë. Mësohet se deri më tani janë shitur rreth 13 mijë bileta, për ndeshjen që do zhvillohet në “Air Albania”.
