Sulmuesi i Kombëtares shqiptare, Rey Manaj, ka deklaruar se pas fitores historike në Leskovac dhe golit të tij ndaj Serbisë, ka marrë përgëzime edhe nga trajneri i tij te Al Sharjah, serbi Milos Milojevic.
Kjo deklaratë ka ngjallur reagime të forta në Serbi, ku disa media "i kanë bërë gjyqin" trajnerit serb.
“Provokuesi shqiptar grind serbët: Milojevic e ka uruar për golin në Leskovac”, shkruan portali republika.rs.
Ndërkohë, hotsport.rs komenton: “Manaj e shkatërroi Serbinë, e Milojevic e përkrahu atë”.
Media kurir.rs shkruan: “Shqiptari shkatërroi ‘shqiponjat’, provokoi turpshëm dhe më pas i befasoi të gjithë”, ndërsa alo.rs hap artikullin me titullin: “Këtë nuk e ka pritur askush – heroji i Shqipërisë i zbuloi të gjitha, një serb e uroi për golin”.
