Që nga qershori i vitit 2023, Anis Mehmeti nuk është grumbulluar më me Kombëtaren shqiptare, pavarësisht formës së shkëlqyer që po shfaq me klubin anglez, Bristol City. Fantazisti shqiptar vazhdon të jetë protagonist në Championship, dhe këtë javë u dallua sërish në ndeshjen ndaj Hull City, ku shënoi një gol dhe dhuroi një asist, duke ndihmuar skuadrën e tij të arrijë një fitore me rezultatin 4-2 në shtëpi.
Performanca e Mehmetit nuk ka kaluar pa u vlerësuar, pasi portali i statistikave “Sofascore” e ka përfshirë shqiptarin në 11-shen më të mirë të javës në Championship, duke i dhënë notën 8.3.
Megjithatë, përkundër këtyre arritjeve, Mehmeti është lënë jashtë planeve të trajnerit të Kombëtares, Sylvinho, që prej dy vitesh. Futbollisti 24-vjeçar ka qenë i grumbulluar vetëm tre herë me kuqezinjtë, por pavarsisht formës së tij të qëndrueshme dhe performancave mbresëlënëse në Angli duket se ende nuk i ka dhënë një vend të qëndrueshëm në ekipin kombëtar.
