Sot në Serbi pritet të zhvillohen 200 tubime në mbështetje të serbëve në Kosovë. Këto grumbullime po organizohen nga Qendra për Stabilitet Shoqëror dhe lëvizja “Građani protiv blokada”, dhe do të zhvillohen në qytete të mëdha si Beogradi, Novi Sadi, Subotica, Kragujevci, Nishi, Kruševci, Zrenjanini, Kraljevo, e të tjerë.
Vëmendje e veçantë edhe për Leskovacin, ku do të luhet ndeshja Serbi–Shqipëri – edhe atje pritet tubim politik.
Presidenti Vuçiç i ka quajtur këto si tubime kundër bllokadave dhe dhunës, por edhe një shenjë solidariteti me serbët në Kosovë.
“Këtë herë, nuk është vetëm një ‘jo për bllokadat’, por edhe një përkrahje për bashkëkombësit tanë në Kosovë”, u shpreh ai.
