Një natë e vështirë ka kaluar për qytetin e Delvinës, ku flakët kanë kërcënuar seriozisht banorët dhe infrastrukturën lokale. Lufta me zjarrin ka qenë heroike, me angazhimin e forcave zjarrfikëse lokale dhe nga Tirana, ushtrisë dhe banorëve. Megjithatë, vatrat e zjarrit në zonën e Kakodhiqit mbajnë situatën ende të tensionuar.
Rreth 10 qytetarë, përfshirë 4 ushtarë, morën ndihmë mjekësore për asfiksi, ndërsa spitali i Delvinës u zhvendos përkohësisht në Kinotetarin e qytetit për shkak të flakëve dhe tymit.
Gjithashtu, një vatër zjarri masive ka përfshirë fshatin Hormovë, pranë kufirit me Gjirokastrën, ku forcat e Mbrojtjes nga Zjarri dhe Shpëtimi punojnë që prej orës 04:00 të mëngjesit për izolimin e flakëve. Situata paraqitet alarmante për shkak të bimësisë së dendur, erërave të forta dhe afërsisë me zonat e banuara, ndërsa autoritetet bëjnë thirrje për qetësi dhe respektim të udhëzimeve të emergjencës.
Forcat zjarrfikëse dhe ekipet e emergjencës vijojnë monitorimin për të shmangur përhapjen e mëtejshme të flakëve.
