Radhët në Poliklinikën nr. 7 në Laprakë po kthehen në një shqetësim të përditshëm për qytetarët. Ata shprehen se pritjet janë të gjata dhe shpesh të lodhshme, duke i detyruar të qëndrojnë me orë të tëra në korridore.
Sipas tyre, situata krijohet kryesisht nga vonesat e mjekëve, të cilët nuk respektojnë oraret e përcaktuara të vizitave. Kjo sjell grumbullim pacientësh dhe shton më tej kohën e pritjes, duke krijuar pakënaqësi dhe vështirësi, sidomos për të moshuarit dhe personat me probleme shëndetësore.
