Më pak se një orë para nisjes zyrtare, qytetarë nga të gjitha trevat shqipfolëse janë mbledhur në Sheshin Skënderbej në Tiranë për të protestuar në mbështetje të Ushtrisë Çlirimtare të Kosovës dhe ish-liderëve të saj që ndodhen në gjykim në Hagë.
Me flamuj kuqezi dhe pankarta me thirrje për liri dhe bashkim kombëtar, protestuesit shprehin solidaritetin e tyre me katër ish-drejtuesit e UÇK-së: Hashim Thaçi, Kadri Veseli, Jakup Krasniqi dhe Rexhep Selimi.
