Besimtarët e Xhamisë Jamie Usmania në Bradford të Britanisë së Madhe po kombinojnë adhurimin me kujdesin për shëndetin.
Pas namazit të drekës, kryesisht burra të moshuar të moshës 50–80 vjeç mblidhen në katin përdhes për një orë javore Pilates, që ndërthur ushtrimet fizike me socializimin komunitar.
Seancat 45-minutëshe, me rreth 30 pjesëmarrës, përfshijnë squat-e, ushtrime shtrirjeje dhe balanci, e më pas vijojnë me çaj, fruta dhe biskota.
Pasi një video e klasës u bë virale në rrjetet sociale të xhamisë, drejtuesit thonë se kanë marrë kërkesa për ta përsëritur programin në xhami të tjera në Britani, por edhe në Malajzi e Kanada.
Organizatorët synojnë ta zgjerojnë nismën me klasa Pilates për gratë dhe klube sociale për të rinjtë.
