Bizneset që operojnë përgjatë pedonales së qytetit të Korçës kanë reaguar me mesazhe të forta kundërshtie ndaj urdhrit për lirimin e hapësirave publike, një vendim që u erdhi vetëm 4 ditë para afatit final dhe pikërisht në kulmin e sezonit turistik.
Në xhamat e lokaleve janë vendosur fletë me thirrje si:
???? “Pse njoftohemi vetëm 4 ditë para dhe në mes të sezonit?”???? “A ka partneritet pa konsultim?”
???? “Kërkojmë shtyrje të afatit deri në fund të sezonit turistik”
Tregtarët shprehen se mungesa e dialogut, prepotenca e institucioneve dhe vonesa në njoftim dëmtojnë rëndë aktivitetin e tyre ekonomik, në një periudhë kur fitimet nga turizmi janë jetike për mbijetesën vjetore të shumë prej tyre.
Ata kërkojnë shtyrjen e afatit dhe hapje të një dialogu real me institucionet, për të gjetur një zgjidhje që nuk penalizon bizneset vendase në një qytet simbol të turizmit shqiptar.
