Këngëtari i njohur dhe ish-konkurrenti i Big Brother Vip Albania, G-Bani, ka mbajtur sot një koncert për të burgosurit në Institucionin e Ekzekutimit të Vendimeve Penale në Fushë-Krujë.
Ishte vetë artisti që publikoi pamje nga performanca, ku shfaqej pranë drejtuesve të institucionit si dhe mikeshës së tij nga shtëpia e BBV, Valbona Mhilli.
“Falenderojmë G-BANIN, është artisti i parë dhe i vetëm që depërton në burg të Shqipërisë për të performuar!” – u shpreh drejtori i institucionit, duke vlerësuar gjestin e këngëtarit.
Pritja dinjitoze nga përfaqësuesit e Drejtorisë së Kujdesit Social, administrata e burgut, si dhe entuziazmi i të burgosurve, e bënë këtë aktivitet të veçantë, që sipas G-Banit i la mbresa të forta.
