Në një situatë tejet të vështirë me zjarret në Gramsh, ku është shënuar edhe viktima e parë, Ministria e Mbrojtjes ka zgjedhur të njoftojë banorët e fshatrave mes shumë mënyrave pa paguar dhe Instagram-in.
THIRRJE URGJENTE!
“Për shkak të zjarreve, u bëjmë thirrje banorëve të fshatrave Kullollas, Bletëz dhe Menkollarë të largohen menjëherë nga banesat e tyre dhe të bashkëpunojnë me autoritetet për evakuimin e sigurt,” – shkruan Ministria e Mbrojtjes në Instagram.
Ka shumë forma dhe mënyra për të ndërgjegjësuar dhe njoftuar banorët. Por në fshatrat e Gramshit vështirë se në këto momente ka internet e aq më tepër të përdoret Instagram-i. Ndaj kjo mënyrë propagandistike merr ngjyra qesharake kur përdoret vend e pa vend. Një këshillë për ministrin e Mbrojtjes: përdore Instagram-in kur të duhet të bësh pak reklamë për punën e ministrisë, se për të njoftuar banorët e ke pak të vështirë. Të paktën sot dhe në orët në vazhdim.
