Më 1 Shtator, mediat në të gjithë botën do të bashkohen në një aksion solidariteti për të dënuar dhunën dhe sulmet ndaj gazetarëve në Gaza, në një iniciativë të përbashkët të Federatës Ndërkombëtare të Gazetarëve (IFJ), Reporterëve pa Kufij dhe organizatës Avaaz.
Gaza është kthyer në një nga vendet më të rrezikshme në historinë moderne për profesionin e gazetarisë, dhe për këtë arsye, mediat ndërkombëtare do të ndërmarrin një sërë veprimesh simbolike:
-Faqe të para të zeza me mesazhe të unifikuara në mediat online
-Banderola digjitale në faqet kryesore të portaleve
-Spote dhe ndërprerje të transmetimit në ekranet televizive
Ky aksion synon të kërkojë:
-Ndërprerjen e menjëhershme të sulmeve ndaj gazetarëve
-Qasje të lirë dhe të sigurt për shtypin ndërkombëtar në Gaza
Në këtë nismë tashmë kanë konfirmuar pjesëmarrjen mediat më të njohura globale si: Al Jazeera, The Guardian, The -Independent, NPR, Mediapart, Wired, The Times of Malta, si dhe dhjetëra media të tjera nga Mbretëria e Bashkuar, SHBA, Evropa, Amerika Latine, Zelanda e Re dhe rajone të tjera.
Ky është konsideruar një moment historik i bashkimit global të mediave në mbrojtje të lirisë së shtypit dhe sigurisë së gazetarëve në zona konflikti.
