Korsi biçikletash ka në krejt Lanën. Që nga Brryli deri te Pallati me Shigjeta. Disa kilometra, të shtruara me asfalt të kuq dhe që ndihmojnë gjithë drejtuesit e biçikletave. Por çdo ditë rri gati rreziku.
Sepse në krah ecin me shpejtësi mijëra makina. E vërteta është që trafiku është i dendur në këtë rrugë. Dhe mes këtij kaosi, asnjë mbrojtëse nuk ka anash.
Një mungesë drejtpeshimi, apo një lëvizje timoni, mund t’i përfundojë çiklistët në gomat e makinave. Që zor se gjejnë shpëtim, sepse makinat janë varg dhe për pasojë do të grahin për inerci mbi viktimën.
Duhet të ndërhyjë policia rrugore. Ose të kërkojë të ngrihet një gardh mbrojtës, ose ta mbyllë korsinë.
Ndryshe… është thjesht fat që ende askush nuk ka përfunduar mes makinave që ulërijnë nga shpejtësia.
