Pas vetëhedhjes së një 72-vjeçareje nga tarraca e Shtëpisë së të Moshuarve në Gjirokastër kanë nisur hetimet për drejtoreshën dhe kryekujdestaren e institucionit.
Dorjana Demo, 50 vjeçe, drejtoreshë e Shtëpisë së të Moshuarve dhe Dhurata Zholi, 52 vjeçe, kryekujdestare, u referuan në prokurori për veprat penale “Shkelja e rregullave të mbrojtjes në punë” dhe “Shpërdorimi i detyrës”.
Në vijim të veprimeve për këtë rast, u referua në prokurori edhe M. H., 37 vjeç, banues në Gjirokastër, me detyrë infermier në Spitalin Rajonal Gjirokastër, pasi nuk ka njoftuar organet ligjzbatuese që 72-vjeçarja kishte humbur jetën, edhe pse kishte dijeni se për rastin kishin nisur hetimet.
