Greqia vijon të jetë e përfshirë nga protesta masive të fermerëve, të cilat kanë hyrë në ditën e tretë. Edhe këtë të martë janë paralajmëruar bllokime në akset kryesore rrugore në mbarë vendin, ndërsa tensionet mes protestuesve dhe policisë u rritën një ditë më parë gjatë tubimeve në disa zona.
Sipas mediave greke, fermerët kanë njoftuar se do të vazhdojnë me bllokada edhe më të forta, përfshirë mbylljen e porteve dhe doganave në ditët në vijim. Revoltës pritet t’i bashkohen sot edhe blegtorët, duke zgjeruar kështu përmasat e protestës.Zona të tjera si Beotia dhe Evros pritet të përballen me bllokime të reja, ndërsa protestuesit deklarojnë se nuk do të tërhiqen pa marrë përgjigje për kërkesat e tyre ndaj qeverisë.
