Qeveria greke po përgatit një plan të ri që synon mbrojtjen e të miturve në internet, duke ndaluar aksesin në rrjetet sociale për fëmijët nën moshën 15 vjeç. Po ashtu, pritet të bllokohet qasja e të rinjve nën 18 vjeç në platformat e basteve online dhe blerjen e produkteve të duhanit përmes internetit.
Burime qeveritare për medien greke “Protothema” bëjnë të ditur se Greqia planifikon të jetë gati deri në fund të tetorit për të zbatuar këto masa, duke u bërë kështu vendi i parë në Europë që vendos kufizime të tilla për përdorimin e rrjeteve sociale nga të miturit.
Një vendim i ngjashëm është marrë së fundmi edhe nga Australia, ku që prej 10 tetorit ndalohet aksesi në rrjetet sociale për fëmijët nën 16 vjeç dhe në platformat e takimeve online, me synimin për t’i mbrojtur nga manipulimi logaritmik dhe ngacmimet seksuale në internet.
