Policia Kufitare Kakavijë ka njoftuar se ditën e nesërme, 30 nëntor 2025, nga ora 18:00 deri në 22:00 (me orën greke), aksi rrugor Kakavijë–Janinë do të jetë i bllokuar.
Raportohet se shkak për bllokimin është bërë protesta që kanë paralajmëruar që do të zhvillojnë fermerët grekë.
Po ashtu, mësohet se gjatë kësaj periudhe do të lejohen të qarkullojnë vetëm automjetet me emergjenca shëndetësore.
Njoftimi i policisë:
Policia Kufitare Kakavijë, nëpërmjet qendrës së përbashkët të shkëmbimit të informacionit Kakavijë, është njoftuar nga Policia Kufitare Greke se më datë 30.11.2025, nga ora 18:00 deri në orën 22:00 (me orën greke), aksi rrugor Kakavijë–Janinë do të jetë i bllokuar për shkak të protestës që do të zhvillojnë fermerët.
Do të lejohen të qarkullojnë vetëm automjetet që do të kenë emergjenca shëndetësore.
Policia Kufitare Kakavijë kërkon mirëkuptimin e qytetarëve dhe sugjeron planifikimin e udhëtimeve me automjete, në orare të tjera të ditës.
