Disa fshatra në rrethin e Librazhdit kanë mbetur pa energji elektrike për shkak të punimeve për demontimin e një shtylle të tensionit të lartë pas shembjeve të dherave në zonën e Dragostunjës.
Sipas njoftimit të zyrtar të Operatori i Sistemit të Transmetimit (OST), shtylla Nr.15 në linjën 110kV L110-16/3a Librazhd – HEC Egnatia do të çmontohet sot, 23 shkurt 2026, nga ora 10:00 deri në orën 17:00. Gjatë këtij intervali, do të stakohet dhe tokëzohet edhe Linja 10kV e Fiderit F3 Hotolisht të Nënstacionit Librazhd, si dhe Linja 35kV e HEC-it Dragostunjë.
Si pasojë, pa energji elektrike do të mbeten zonat dhe fshatrat: Babje, Buzgar, Drapata, Dragostunjë, Ferrë, Frarë, Hotolisht, Gurëkuqe dhe HEC-i Xhyrë.
Banorët janë të këshilluar të marrin masat e nevojshme deri në rikthimin e furnizimit me energji elektrike në orën 17:00.
