Një defekt në linjën 110 kV të Operatorit të Sistemit të Transmetimit (OST) ka shkaktuar ndërprerje të energjisë elektrike në disa zona të Tiranës.
Sipas informacioneve të deritanishme, pa energji kanë mbetur lagje në Njësitë Administrative 1 dhe 2, përfshirë Ali Demin, Shkozën, zonën e Tregut Elektrik, Saukun, Farkën dhe zona përreth.
Burime zyrtare nga OSHE bëjnë me dije se defekti i përket OST-së, e cila aktualisht po punon për gjetjen e një zgjidhjeje alternative, me qëllim furnizimin gradual të nënstacioneve përmes linjave të tjera të transmetimit.
Autoritetet nuk kanë dhënë ende një afat të saktë për rikthimin e plotë të energjisë.
