Një numër i lartë kërkesash për ndihmë janë regjistruar pranë sallës operative të Komisariatit të Policisë Shkodër, ku raportohet se disa familje, përfshirë edhe fëmijë, kanë mbetur të bllokuara në segmente të ndryshme rrugore.
Bllokimet janë konstatuar nga zona e Bunit të Bajraktarit deri në zbritje në drejtim të qytetit të Koplikut. Në këtë zonë po regjistrohen reshje breshëri të alternuara me dëborë, si dhe formim ngricash, çka ka vështirësuar ndjeshëm qarkullimin e mjeteve. Sipas të dhënave të raportuara, mbi 200 mjete kanë tentuar të lëvizin në drejtim të Koplikut.
Autoritete thonë se lëvizja është rivendosur ndërsa strukturat përgjegjëse janë në koordinim të vazhdueshëm për menaxhimin e situatës dhe garantimin e sigurisë rrugore.
