Një tjetër gropë karstike është shfaqur këto ditë në Belsh, duke rikthyer shqetësimin e madh të banorëve të Dumresë. Zona, e njohur për formacionet karstike që ndër vite kanë krijuar dhjetëra liqene, po përballet sërish me rrezikun e shembjeve të tokës.
Gropa e re, me rreth 7 metra diametër dhe mbi 12 metra thellësi, po zgjerohet çdo ditë dhe i është afruar rrezikshëm disa banesave. Banorët ndihen të pasigurt dhe kërkojnë ndërhyrje të menjëhershme nga autoritetet, pasi fenomeni po avancon me shpejtësi.
Frika është e pranishme tek banorët, shtëpitë e të cilëve rrezikohen më shumë nga zgjerimi i gropës. Ky nuk është rasti i parë: ngjarje të ngjashme janë shënuar edhe në Dëshiran dhe Çestije vitet e fundit. Terreni i Dumresë, i ndjeshëm ndaj shkrirjes së gipsit dhe gëlqeres, mbetet i predispozuar për shembje të këtij lloji.
