Aktori, regjisori dhe dramaturgu i njohur shqiptar, Naun Shundi, po kalon një periudhë të vështirë për shkak të problemeve serioze shëndetësore. Gjendja e tij ka bërë që ai të ndërpresë aktivitetin artistik, përfshirë angazhimin në teatrin Zonja e Bujtinës, i themeluar prej vetë tij.
Artisti është dërguar për kurim të specializuar në një spital në Francë, ndërsa trajtimi që po ndjek atje shoqërohet me kosto të larta financiare. Familjarët kanë bërë një thirrje publike për ndihmë, pasi nuk arrijnë të përballojnë shpenzimet e trajtimit.
Në një deklaratë të shpërndarë edhe nga Teatri Zonja e Bujtinës, ata shprehen:
“Ju faleminderit pa fund për mesazhet dhe lutjet tuaja miq. Naun Shundi po kalon një moment të vështirë dhe financat tona nuk e përballojnë dot.
Nëse mundeni të jeni me ne në këtë luftë me sëmundjen, duke na ndihmuar me shumën që ju mundeni, kjo betejë do të jetë edhe më e thjeshtë të fitohet.
Ju faleminderit dhe paçi vetëm gëzime.
BKT
Naun Shundi
IBAN: AL9220511289003846CLIDCLALLE
SWIFT: NCBAALTX
Tel.: 0692092911”
Figura e Naun Shundit ka lënë gjurmë të thella në skenën teatrore shqiptare dhe ka kontribuar ndjeshëm në zhvillimin e dramaturgjisë vendase. Të shumta kanë qenë reagimet nga kolegë dhe artistë që kanë shprehur solidaritetin dhe mbështetjen për të në këto momente të vështira.
