Ambasadori i Ukrainës në Shqipëri, Volodymyr Shukrov, ka kaluar momente kritike këtë të diel, pasi ka pësuar infarkt gjatë një vizite jozyrtare në Voskopojë. Ngjarja ndodhi gjatë qëndrimit të tij në fshatin turistik së bashku me bashkëshorten. Shukrov u ndje keq dhe fillimisht u dërgua në spitalin e Korçës, ku mori ndihmën e parë mjekësore. Për një trajtim më të specializuar, ai u transportua me helikopter drejt Tiranës, ku një mjek i spitalit të Korçës e shoqëroi gjatë fluturimit për të garantuar kujdesin e nevojshëm.
Sipas burimeve mjekësore, ambasadori iu nënshtrua ndërhyrjeve të nevojshme në një spital privat në kryeqytet dhe aktualisht ndodhet jashtë rrezikut për jetën.
Ambasadori ukrainas në Shqipëri shoqërohej nga bashkëshortja e tij gjatë vizitës në Voskopojë, e cila kishte natyrë joformale.
