AKU ka bllokuar 18.3 kg çokokrem “Nudossi Haselnuss-Nougat-Crème”, të importuar nga kompania “Lengo Group”, pas një alarmi të ngritur nga sistemi europian RASFF për prani të salmonelës në këtë produkt me origjinë nga Gjermania.
Sipas AKU-së, pas verifikimeve në subjektin importues rezultoi se sasia totale e importuar ishte 27 kg, e ndarë në dy lote me data skadence 26.08.2026 dhe 18.09.2026. Nga kjo sasi, autoritetet bllokuan 18.3 kg, të cilat do të asgjësohen.
Ndërkohë, rreth 8.7 kg e produktit rezulton të jetë shitur te konsumatorët fundorë. Subjekti ka njoftuar klientët në ambientet e tregtimit për rrezikun.
