Mbi 100 aktivistë ndërkombëtarë dhe aktivistë shqiptarë do të organizojnë një protestë të shtunën, më 1 nëntor, në Tiranë dhe Lezhë, duke shënuar dyvjetorin e marrëveshjes mes Shqipërisë dhe Italisë për ndërtimin e kampit të emigrantëve në Gjadër, Lezhë.
Sipas programit të protestës, aktivistët do të mblidhen në orën 09:00 në Sheshin Skënderbej, nga ku do të marshojnë drejt Kryeministrisë, Ambasadës italiane dhe asaj të Bashkimit Europian. Pas kësaj, ata do të udhëtojnë drejt kampit të Gjadrit për të vijuar protestën.
Protestat do të vazhdojnë edhe të dielën, më 2 nëntor, në Fakultetin e Drejtësisë, nga ora 09:30 deri në 14:45.
Itinerari:
09:00- 09:30: Mbledhja, Sheshi Skënderbej
10:00 -11:30: Marshim drejt Kryeministrisë, Ambasadës Italiane dhe BE
11:30: Sheshi Nënë Tereza
11:30 -13:00: Udhëtim drejt Kampit të Gjadrit
14:15: Protesta në Kampin e Gjadrit
