Një aksident me pasojë vdekjen e një të riu është regjistruar rreth orës 03:00 të mëngjesit të sotëm, në autostradën “Fier–Vlorë”, në zonën e Novoselës.
Sipas të dhënave paraprake, automjeti me targa AB009GN është përplasur me barrierat mbrojtëse anësore të rrugës. Rreth 30 metra larg pikës së përplasjes, shërbimet e policisë gjetën pa shenja jete drejtuesin e mjetit, Albi Hoxha, i lindur më 07.08.2002, banues në Fier.
Policia njofton se i riu, A. H., 24 vjeç, ka qenë duke lëvizur në drejtim të fshatit Akërni kur automjeti është përfshirë në aksident. Përplasja ka rezultuar fatale, duke i marrë jetën në vend.
Autoritetet ndodhen në terren dhe po kryejnë veprimet hetimore për të zbardhur rrethanat e ngjarjes dhe për të përcaktuar shkakun e aksidentit. Po verifikohet gjithashtu nëse në mjet ndodheshin persona të tjerë në momentin e ngjarjes.
Grupi hetimor vijon punën për dokumentimin e plotë të episodit tragjik.
