Një aksident automobilistik është regjistruar në segmentin rrugor Kukës–Aeroport, në zonën e njohur si “Rrethrrotullimi i Shtiqnit”.
Sipas informacioneve paraprake, një automjet i vogël tip “Benz” ka dalë nga rruga dhe për pasojë është përmbysur. Si pasojë e aksidentit, janë shkaktuar edhe dëmtime materiale, përfshirë një shtyllë ndriçimi pranë rrethrrotullimit.
Fatmirësisht, drejtuesi i mjetit nuk ka pësuar lëndime dhe ndodhet jashtë rrezikut për jetën.
Autoritetet kanë mbërritur në vendngjarje dhe po punojnë për zbardhjen e plotë të rrethanave të aksidentit.
