Një aksident rrugor është regjistruar në rrugën nacionale Maqellarë–Peshkopi, në vendin e quajtur Melan, ku dy automjete janë përplasur me njëra-tjetrën.
Si pasojë e përplasjes, një çift bashkëshortësh ka mbetur i lënduar dhe është transportuar me ambulancë drejt Spitalit të Peshkopisë për të marrë ndihmë mjekësore. Burime bëjnë me dije se gruaja e plagosur ishte shtatzënë, ndërsa gjendja e tyre shëndetësore po monitorohet nga mjekët.
Në vendngjarje kanë mbërritur shërbimet e policisë, të cilat kanë nisur hetimet për të zbardhur rrethanat e aksidentit. Sipas të dhënave paraprake, mjegulla e dendur dhe prania e akullit në rrugë dyshohet se kanë ndikuar në humbjen e kontrollit të mjeteve.
Autoritetet u bëjnë apel drejtuesve të automjeteve të tregojnë kujdes të shtuar, të ulin shpejtësinë dhe të respektojnë rregullat e qarkullimit rrugor, veçanërisht në kushtet e motit të pafavorshëm.
