Një aksident i rëndë rrugor ka ndodhur në aksin Lezhë–Shkodër, pranë fshatit Gocaj. Dy automjete janë përplasur me njëra-tjetrën në rrethana që ende nuk janë sqaruar plotësisht.
Sipas informacioneve paraprake, dyshohet se si pasojë e përplasjes kanë humbur jetën dy persona dhe kanë mbetur 2 persona të plagosur, dyshohet një grua dhe një fëmijë. Për shkak të dëmtimeve të rënda të automjeteve, në vendngjarje kanë ndërhyrë forcat zjarrfikëse për nxjerrjen e trupave nga mjeti.
Policia dhe shërbimet e emergjencës ndodhen në vendin e ngjarjes, ndërsa qarkullimi në këtë segment rrugor është përkohësisht i vështirësuar. Autoritetet po punojnë për zbardhjen e shkaqeve të aksidentit.
Në vijim priten informacione zyrtare lidhur me identitetin e viktimave dhe rrethanat e plota të ngjarjes.
