Në pesë vitet e fundit, në qarkun e Korçës janë mbyllur 22 shkolla për shkak të rënies drastike të numrit të nxënësve. Fshatra të njohur si Dardha, Boboshtica dhe Polena po përballen me boshatisje të vazhdueshme, të shkaktuara nga emigracioni dhe numri i ulët i lindjeve.
Në Boboshticë, dikur shkolla numëronte rreth 200 nxënës, por sot ajo qëndron e mbyllur. Ish-mësuesja Antonia Caprazi e kujton me trishtim kohën kur mësimi gumëzhinte në klasat e këtij institucioni.
Në Polenë, edhe pak nxënës që kanë mbetur këtë vit do të transferohen në një shkollë tjetër, pasi shkolla lokale nuk do të hapet.
Drejtoria Vendore e Arsimit në Korçë e konfirmon situatën, duke theksuar se rënia e ndjeshme e popullsisë në këto zona e bën të pamundur mbajtjen hapur të shkollave.
