Presidenti i Serbisë, Aleksandër Vuçiç, reagoi ashpër ndaj protestave, të cilat kërkojnë largimin e tij nga pushteti.
Me anë të një komunikimi në rrjete sociale, Vuçiç deklaroi se Serbia do t’i kundërvihet presioneve të jashtme dhe kërcënimeve, duke paralajmëruar masa për rivendosjen e rendit dhe paqes në vend.
Deklarata e Vuçiç vjen një ditë pas kundërprotestës së organizuar nga mbështetësit e partisë së tij Partia Progresive Serbe.
“Në një moment do të shihni gjithë vendosmërinë e shtetit të Serbisë. Ne do të përdorim gjithçka që kemi në dispozicion për të rivendosur rendin, paqen dhe rendin në vendin tonë. Dhe ne do ta bëjmë këtë. Ne do t’i kundërvihemi të gjitha presioneve të jashtme, të gjithë atyre që na kërcënojnë, që na paralajmërojnë, asaj që është e lejuar dhe e mundur, dhe deri më tani kemi parë prej tyre se ata arritën të sjellin kaos në vendin tonë dhe ne do të fitojmë”, është shprehur presidenti i Serbisë.
