Fermerët në Greqi kanë përshkallëzuar protestat gjatë ditës së sotme. Ata kanë paralajmëruar se nuk do të ndalen deri në gjetjen e zgjidhjes së problemeve të tyre.
Bllokada vjen pas arrestimit të disa personave javën e kaluar, në një rast mashtrimi në bujqësi, i cili zbuloi se miliona euro ishin shpërndarë subvencione në mënyrë të paligjshme nga OPEKEPE, organizata përgjegjëse për fondet bujqësore të BE-së. Skandali ka shkaktuar pakënaqësi të mëdha tek fermerët.
Sipas Federatës së Shoqatave Bujqësore, bllokadat do të vazhdojnë dhe fermerët do të vazhdojnë protestat. Një bllokadë pritet gjithashtu edhe në Selanikun lindor.
Dita e parë e mobilizimit u organizua të dielën dhe u shoqërua me incidente në fshatrat Nikaia dhe Platykampos në Larisë, ku fermerët u përplasën me policinë. Dy fermerë dhe dy oficerë policie u plagosën, sipas ELAS. Policia bëri tre arrestime, dy në Platykampos për dhunë, dëmtim dhe rezistencë, dhe një në kryqëzimin e Nikias për lëndime trupore dhe rezistencë.
Gjatë hetimit paraprak, u zbulua se rreth 324 persona ishin përfitues të subvencioneve me vlerë 19.6 milionë euro, sipas Zyrës së Prokurorit Publik Evropian (EPPO).
