Deputetja e Lidhja Demokratike e Kosovës, Jehona Lushaku-Sadriu, ka deklaruar se mungesa e marrëveshjes mes Lëvizjes Vetëvendosje dhe LDK-së për çështjen e Presidentit erdhi si pasojë e kërkesës së Albin Kurti që kjo pozitë t’i takojë Vetëvendosjes.
E ftuar në emisionin “Frontal” në T7, ajo theksoi se një parti nuk duhet të mbajë dy poste kryesore, pasi kjo cënon balancën mes forcave politike.
“Propozimi ishte i papranueshëm sepse u kërkua që presidenti t’i takojë Vetëvendosjes. Tendenca e një partie politike për t’i kapur dy institucione ekzekutive nuk është as e sinqertë e as dashamirëse”, ka thënë ajo.
