Sot shënohet Dita Ndërkombëtare e Personave të Zhdukur. Edhe pse kanë kaluar 26 vjet nga përfundimi i luftës në Kosovë, mbi 1.590 persona vazhdojnë të figurojnë ende si të zhdukur.
Në kuadër të kësaj dite përkujtimore, krerët e institucioneve të Kosovës bënë homazhe dje pranë Monumentit të Personave të Zhdukur, për të nderuar kujtimin e tyre dhe për të kërkuar drejtësi.
Aktivitete të tjera përkujtimore pritet të vazhdojnë edhe gjatë ditës së shtunë. Pas përfundimit të luftës në vitin 1999, numri i përgjithshëm i personave të raportuar si të zhdukur ishte rreth 6.500.
Që nga ajo kohë, janë kryer zhvarrime në disa varreza masive, si në Kosovë ashtu edhe në Serbi, dhe deri më tani janë identifikuar rreth 70 për qind e tyre.
